யாழில் படையினரின் கட்டுப்பாட்டில் மூலி­கைத் தோட்­டம்! விரைந்து மீட்குமாறு கோரிக்கை

இராணுவத்தின் கட்டுப்பாட்டில் இருக்கும் யாழ். நவக்கி­ரி­யில் உள்ள மூலி­கைத் தோட்­டத்­தினை மீட்க வேண்டும் என வடமாகாண சபை உறுப்பினர் அ.பரஞ்­சோதி கோரிக்கை விடுத்துள்ளார்.

இந்நிலையில், குறித்த காணியை மீட்பதற்கு மாகாண சுகா­தார அமைச்­சர் ஆக்­க­பூர்­வ­மான நட­வ­டிக்­கைகளை எடுக்க வேண்­டும் எனவும் அவர் வலியுறுத்தியுள்ளார்.

வடக்கு மாகாண சபை­யின் 2018ஆம் ஆண்டுக்கான வரவு – செல­வுத்­திட்­டத்­தில் சுகா­தார அமைச்சு மீதான விவா­தம் நேற்­றை­ய­ தி­னம் மாகாண சபை­யில் இடம்­பெற்­றது.

இதில் கலந்துகொண்டு கருத்து தெரிவித்த போதே அவர் இவ்வாறு குறிப்பிட்டுள்ளார். தொடர்ந்தும் பேசுகையில்,

“மாகாண சுகா­தார அமைச்­சுக்கு சொந்­த­மான மூலி­கைத் தோட்­டக் காணி யாழ். நவக்கி­ரி­யில் இருக்­கின்­றது. ஆனால் அங்கு சிறிய பகு­தி­யி­லேயே தற்­போது மூலி­கைத் தோட்­டச் செய்கை இடம்பெறுகிறது.

எஞ்சிய காணி­யில் இரா­ணு­வம் முகாம் அமைத்­துள்­ளது. அந்த இடத்­தில் இரா­ணுவ முகாம் அமைய வேண்­டிய தேவை இல்லை.

எனவே மூலி­கைத் தோட்­டம் வினைத்­தி­ற­னாக இயங்க நட­வ­டிக்கை எடுக்க வேண்­டும்” என அவர் கோரிக்கை விடுத்துள்ளார்.